Z`Hansrüedi

Belalp, miis Paradies us um Album 2002 - Natersch
Hienta weni Stress hä
numma no es Ghetz hä
brüüchi mal en Tag lang Rüeh,
de schliessi alli Porte züe
und fahru gägu Blattu züe.

Mit der Luftseilbahn geits witer
und mier geits nimme schitter,
ich nimu ganz en teife Schnüüf
hie uf der Belalp regt mich nix meh üf!

Ich bi im Paradies,
wenn ich uf der Belalp bi
alli Sorge gähnt verbii
da merkscht eerscht wie schön dass ds Läbu cha sii
im Paradies
Ich lotzu uf d’Wält ambrii
wenni uf der Belalp bi im Paradies!

Nei, das chani nie vergässu
uf der Müüra bini gsässu
und hä der Aletschgletscher gseh
ja z’allereerschtumal nu gseh
nei das vergäss ich niemals meh

Ich bi no es Chind gsii
hä glüegt und bi ganz still gsii
hä gwisst das het der Herrgott gmacht
No hittu stüüni ab der ganzu Pracht!

Ich bi im Paradies
wenn ich uf der Belalp bi
ich lotzu uf d’Wält ambri
da merkscht wie schön dass d’Wält cha sii
im Paradies
Alli Sorge gähnt verbii
wenn uf der Belalp bischt im Alpuparadies!